ගරු අමාත්‍යතුමාගේ පණිවුඩය
"කාර්යක්ෂම ප්‍රවාහන පහසුකම් යනු ගෝලීය වශයෙන් මෙන්ම ජාතික වශයෙන් ද, ආර්ථික සංවර්ධනයේ තීරණාත්මක උපාංගයක් වේ. මිනිස් ශිෂ්ටාචාරයේ ආරම්භයේ සිට ගමනාගමනය ආර්ථික සංවර්ධනයට බලපෑම් සිදු කර ඇත. ආර්ථික සංවර්ධනය ප්‍රවාහන පද්ධතිවල සුසංයෝගය මත පදනම් වේ. ප්‍රවාහන අංශයේ ආයෝජන මගින් නිෂ්පාදකයා සහ පාරිභෝගිකයා අතර පවතින සබඳතා ජාලය සමග නිෂ්පාදන සාධක සම්බන්ධ කරනු ලබයි. ප්‍රවාහන පද්ධති කාර්යක්ෂම වන විට, සංචලතාව ඉහළ යාම මෙන්ම වෙළඳපොළ, රැකියා නියුක්තිය සහ අමතර ආයෝජන වෙත ළඟා වීමේ හැකියාව වර්ධනය වීම ආදී ධනාත්මක ගුණක ප්‍රතිවිපාක නිර්මාණය කරන ආර්ථික සහ සමාජීය අවස්ථා සහ ප්‍රතිලාභවලට මග විවර වෙයි. ප්‍රවාහන පද්ධතිවල ධාරිතාව සහ විශ්වාසනීයත්වය යන අංශ තුළ අඩුලහුඬුකම් පැවතියහොත් එහි ප්‍රතිඵලයක් ලෙස සීමිත හෝ අහිමි වූ අවස්ථා සහ පහත් ජීවන තත්ත්වයක් ඇති වීම වැනි ආර්ථික පිරිවැය දැරීමට සිදුවනු ඇත. "
එබැවින්, තිරසාර සංවර්ධනයට සහාය දීමට අවශ්‍ය ඉහළ මට්ටමේ යටිතල පහසුකම් සහ සේවා සැපයීම සඳහා ශ්‍රී ලංකාවේ ප්‍රවාහන පද්ධති සංවර්ධනය කිරීම, පවත්වාගෙන යාම, පාලනය සහ නියාමනය කිරීම ඵලදායී අයුරින් සිදු වේ දැයි තහවුරු කිරීමේ වගකීම ජාතික ගමනාගමන කොමිෂන් සභාව සතු වේ. ජාතික වශයෙන් සහ ගෝලීය වශයෙන් සබඳතා ඇති කර ගැනීම සහ අපගේ ප්‍රවාහන පද්ධති ගුණාත්මකභාවයෙන් ඉහළට ගෙන යාම සඳහා අවශ්‍ය තොරතුරු සහ මාර්ගෝපදේශ වෙත ළඟා වීම සඳහා අත්‍යවශ්‍ය සහාය මෙම වෙබ් අඩවිය මගින් ලබා ගත හැකි බව මම විශ්වාස කරමි. ජාතික ගමනාගමන කොමිෂන් සභාවේ ඉදිරි කටයුතුවලට සුබ පැතුම්!
ආචාර්ය බන්දුල ගුණවර්ධන මහතා.
ප්‍රවාහන,මහාමාර්ග හා ජනමාධ්‍ය අමාත්‍ය