දිවයින තුළ සමාජ-ආර්ථික සංවර්ධනයක් ඇති කිරීම සඳහා ගුණාත්මක, පිරිවැය ඵලදායී සහ ආරක්ෂාකාරී ඒකාබද්ධ ප්‍රවාහන පද්ධතියක් හා සේවාවක් මගින් ශ්‍රී ලංකාවේ සෑම පුරවැසියෙකුගේම විවිධ ගමනාගමන අවශ්‍යතා සපුරාලීම සඳහා සහතික වීම.
මගී ප්‍රවාහනයට අදාළ ජාතික ප්‍රතිපත්තිය පිළිබඳව ශ්‍රී ලංකා රජයට උපදෙස් දීම සහ පොදු ජන ප්‍රවාහන අවශ්‍යතා සපුරාලීම සඳහා කාර්යක්ෂම බස් ප්‍රවාහන පද්ධතියක් ක්‍රියාත්මක වන බවට සහතික වීම සදහා අවශ්‍ය නියාමන රාමුවක් සකස් කිරීම.
"කාර්යක්ෂම ප්‍රවාහන පහසුකම් යනු ගෝලීය වශයෙන් මෙන්ම ජාතික වශයෙන් ද, ආර්ථික සංවර්ධනයේ තීරණාත්මක උපාංගයක් වේ. මිනිස් ශිෂ්ටාචාරයේ ආරම්භයේ සිට ගමනාගමනය ආර්ථික සංවර්ධනයට බලපෑම් සිදු කර ඇත. ආර්ථික සංවර්ධනය ප්‍රවාහන පද්ධතිවල සුසංයෝගය මත පදනම් වේ. ප්‍රවාහන අංශයේ ආයෝජන මගින් නිෂ්පාදකයා සහ පාරිභෝගිකයා අතර පවතින සබඳතා ජාලය සමග නිෂ්පාදන සාධක සම්බන්ධ කරනු ලබයි. ප්‍රවාහන පද්ධති කාර්යක්ෂම වන විට, සංචලතාව ඉහළ යාම මෙන්ම වෙළඳපොළ, රැකියා නියුක්තිය සහ අමතර ආයෝජන වෙත ළඟා වීමේ හැකියාව වර්ධනය වීම ආදී ධනාත්මක ගුණක ප්‍රතිවිපාක නිර්මාණය කරන ආර්ථික සහ සමාජීය අවස්ථා සහ ප්‍රතිලාභවලට මග විවර වෙයි. ප්‍රවාහන පද්ධතිවල ධාරිතාව සහ විශ්වාසනීයත්වය යන අංශ තුළ අඩුලහුඬුකම් පැවතියහොත් එහි ප්‍රතිඵලයක් ලෙස සීමිත හෝ අහිමි වූ අවස්ථා සහ පහත් ජීවන තත්ත්වයක් ඇති වීම වැනි ආර්ථික පිරිවැය දැරීමට සිදුවනු ඇත. "
ඉදිරි වසර 10 තුළ ප්‍රවාහන කළමනාකරණය පදනම් වනු ඇත්තේ මෝටර් රථ භාවිතය කෙසේ කළමනා කරන්නේ ද යන මූලික ප්‍රශ්නය මත බව දක්නට ඇත. ප්‍රවාහන අංශයේ සංඛ්‍යාලේඛන අනුව පොදු ප්‍රවාහන මගීන් ශීඝ්‍රයෙන් පොදු බස් රථ භාවිතයෙන් පෞද්ගලික ප්‍රවාහන ක්‍රමයන් වෙතට හැරෙමින් පවතියි. මෙම තත්ත්වය ශ්‍රී ලංකාවේ ආර්ථිකයට ආකාර කිහිපයකින් අහිතකර ලෙස බලපා ඇත. බොහෝ නගරවල කාර්ය බහුල වේලවන්හී දී පවතින අධික වාහන තදබදය අර්බුදකාරී තත්ත්වයක් බවට පත්ව ඇත. එමෙන්ම පසුගිය දශක දෙක තුළ ඉන්ධන භාවිතය සැලකිය යුතු ලෙස ඉහළ ගොස් ඇත.
ඔබේ අදහස් සහ ප්‍රශ්න පහත මාර්ගගත පෝරමය මගින් අප වෙත ඉදිරිපත් කරන්න. .