 |
මගී ප්‍රවාහන සේවා අවසර පත්‍රය නිකුත් කරනු ලබන්නේ මගීන් සහ තෙවන පාර්ශ්වයේ (පදිකයින්, වෙනත් වාහන සහ දේපළ) අවදානම් සඳහා අසීමිත රක්ෂණ රැකවරණයක ලියාපදිංචි වී පවත්වාගෙන යන්නාවූ බස් රථ සඳහා පමණයි.
|
|
නවතම රෙගුලාසිවලට අනුව, සෑම බස් රථයකම ගිනි නිවනයක් (Fire Extinguisher) තිබිය යුතු ය. සේවා වේලාව තුළ දී සහ මගීන් ප්‍රවාහන කරන අතරතුර ඉන්ධන පිරවුම්හල්වල නවතා බස් රථයට ඉන්ධන පිරවීම සිදු නොකළ යුතු ය.
|
|
සේවයේ නියුතු බස් කාර්ය මණ්ඩලය නිසි ඇඳුමින් සැරසී සිටිය යුතු අතර ඔවුන්ගේ හැසිරීම ආචාරශීලී විය යුතුය. ඔවුන් තම සේවය නියමිත පරිදි ඉටු කළ යුතු අතර ඔවුන්ගේ ජා.ග.කො.ස හැඳුනුම්පත් නිතරම ළඟ තබා ගත යුතුය.
. |
|
බස් නැවතුම්පොළෙන් පිට වී ගමන ආරම්භ කිරීමට පෙර බස් රථයට නැඟි සෑම මගියෙකුටම ටිකට් පතක් නිකුත් කිරීම ද, ගමන්වාරය අතරතුර බස රථයට ඇතුළු වන සෑම මගියෙකුටම ටිකට් පතක් නිකුත් කිරීම ද අනිවාර්යය වේ. නිකුත් කරනු ලබන ටිකට් පත පිළිගත හැකි ප්‍රමිතියේ සම්මත ටිකට් පතක් විය යුතු අතර ටිකට් පත විද්‍යුත් උපකරණයක් මගින් නිකුත් කළ යුතු ය.
. |
|
සුඛෝපභෝගී සහ අර්ධ සුඛෝපභෝගී බස් රථ ඒවායේ පවතින ආසන ගණන ඉක්මවා මගීන් ප්‍රවාහනය නොකළ යුතුය. මගීන් එකී බස් රථවල සිටගෙන ගමන් නොකළ යුතු ය. අවසර පත්‍ර නිකුත් කරනු ලබන්නේ ප්‍රතිපත්ති අනුගමන කරමින් ඉහළ ප්‍රමිතියේ සේවාවක් ලබා දෙන බස් රථ සඳහා පමණකි.
|
|
පහත සඳහන් මගී තොරතුරු බස් රථය තුළ පැහැදිලිව දැක්විය යුතු ය:
: |
| |
|
|
- ගමනාන්තයට ළඟා වීමට නියමිත වේලාව
|
- බස් රියදුරුවරයාගේ සහ කොන්දොස්තරවරයාගේ ජා.ග.කො.ස ලියාපදිංචි අංකය
|
|
- නිවැරදි වේලාව දක්වන ඔරලෝසුවක්
|
|
|
බස් රථයේ ඉදිරියේ සහ පසුපස ප්‍රදර්ශනය කළ යුත්තේ අවසරය ලත් ප්‍රදර්ශන භාණ්ඩ ආදිය පමණකි. මගීන්ට මෙන්ම මාර්ගයේ ගමන් කරන ජනයාට බාධා හා අනතුරු පමුණුවන සහ ඔවුන්ගේ පහසුවට අවහිර වන දෑ බස් රථය තුළ ප්‍රදර්ශනය කිරීමෙන් හෝ බස් රථයට සවි කිරීමෙන් වැළකිය යුතු ය. එබැවින්, විද්‍යුත් පරිපථ භාවිතයෙන් ප්‍රදර්ශනය කරන සියලුම අලංකෘත ප්‍රදර්ශන භාණ්ඩ මෙන්ම අනුමත නොකරන ලද වෙනත් සැරසිලි ආදියෙන් බස් රථය සැරසීම සිදු නො කළ යුතු ය.
|
|
"ශ්‍රව්‍ය උපකරණය අතරින් බස් රථය තුළ ක්‍රියාත්මක කළ හැක්කේ ගුවන් විදුලි යන්ත්‍රයක් පමණක් වන අතර එහි හඬ ක්‍රියාත්මක කළ හැක්කේ මගීන්ට බාධා නොවන හා අපහසු නොවන මට්ටමකින් පමණි.
මෙකී නව රෙගුලාසි නිසි පරිදි පිළිපැදීම තහවුරු කිරීමට ජා.ග.කො.ස විවිධ පියවර ගෙන ඇත."
|